ASADO DE POLBO

INGREDIENTES:

  • 1 polbo de lonxa grande
  • 4 Patacas.
  • 2 cebolas
  • 2 tomates
  • 1/2 cabeza de allos
  • 1 folla de laurel
  • Aceite de oliva
  • 450 ml de viño branco
  • Sal e pementa

PREPARACIÓN

  • Prequecer o forno a uns 180º
  • Corta a cebola en xuliana, as patacas en cubos e o tomate en anacos grandes e fai unha cama con eles nunha fonte
  • Limpa o polbo e córtalle a cabeza (non a tires) e logo as patas dunha nunha e coloca cabeza e patas na fonte, enriba das verduras
  • Engade os allos, o loureiro e salpimenta ao gusto. Rega co viño e o aceite.
  • Deixa cociñar durante 1 hora ou 1 hora e media, ata que o polbo e as patacas estean tenros
  • Serve facendo sobre o prato unha cama de verduras asadas e colocando as patas de polbo por enriba.

POLBO A FEIRA


 INGREDIENTES

  • 1 Polbo de 2 Kg
  • 1 cebola
  • 1/2 kg de patacas
  • Auga
  • Sal
  • Pimentón doce e/ou picante
  • Aceite de oliva

PREPARACIÓN

Antes de preparar o prato, é moi importante abrandalo previamente. O polbo fresco abrándase dándolle golpes ou cun mazo, pero por sorte se o mercamos conxelado obtemos o mesmo resultado.

Pon a desconxelar o polbo un día antes na neveira.

Pon a ferver auga sen sal nunha pota grande e cando rompa a ferver engadelle o polbo, "asustándoo". Esta técnica consiste en meter e sacar o polbo unhas 3 ou 4 veces da auga para conseguir que non lle caia a pel durante a cocción. 

Despois, introdúceo definitivamente e cociña durante 30 minutos. Deixa atemperar e córtao en trociños coa axuda dunhas tesoiras. Reserva.

Pela as patacas e ponas a cocer en auga do polbo cun pouco de sal. Escurre e córtaas en toros.

Serve nun prato de madeira os toros de pataca e coloca enriba o polbo cortado. Aliña con aceite de oliva, pimentón e sal.